ما إن أعلن الديوان الملكي وفاة صاحب السمو الملكي الأمير سلطان بن عبدالعزيز آل سعود ولي عهد المملكة العربية السعودية إثر مرض ألمّ به حتى خيم الحزن على كل أصقاع الخليج ، ولم تكن الساحة الشعبية ببعيدة عن الحزن ، وقد قامت الوكالة برصد مشاعر عدد من الشعراء السعوديين والخليجيين التي عبّروا عن الحزن شعرياً على رحيل الفقيد :
[ندعوك للتسجيل في المنتدى أو التعريف بنفسك لمعاينة هذه الصورة]البداية كانت مع الشاعر عقاب الربع حيث كتب قائلا..
اقول ليه اليوم صـبحـــه بـلا شمس؟
وقالوا لي سلـطاااااان المحبه توفى
كن الدجا مغموس في سبتنا غمس
أو كن صبح السبت كلـــــــــه تخفى
وبكلمات تقطر دمعا عبر الشاعر حمد البريدي..
يا ساجنين الدمع .. هلوّ العباير
اللي رحل , ماهو بـ حي الله انسان
لو الزمن يدري بـ حجم الخساير
ما ضيقّ الخاطر ولا مات سلطان
الشاعر محمد علي العمري تنفس بيتين من الشعر في هذا المصاب الجلل حيث قال..
هذي سنة فقد الشعوب السلاطين
تبكي من الفرحة بعد فقد سلطان
إلا السعودي دمعته دمعة البين
يبكي من الفرقا على فقد سلطان
أما الشاعر مرزوق الروقي فقد كتب يقول..
خل القصايد كل أبوها على جنب
ماعاد نحتاج القوافي والأوزان
إما جبر ماصابنا غافر الذنب
الشعر مايجبر عزانا بسلطان
وبوجع الفقد عبر الشاعر فهد العيباني عن مشاعره في هذين البيتين
بيفقدك اكثر يا سلطان (الفقير)
يومك على المحتاج ودّانك يجود
من للكرم من بعد ما راح الأمير
سلطان بن عبدالعزيز ابن سعود؟
ولم تكن كلمات الشاعر حمد شافي أقل وجعا إذ كتب..
ياسبت عام الحزن والضيق والعبره
يامن فقدنا معاك الخير واوطانـــه
سلطان راح ومعاه الخير في قبره
اللي عليه الوطن يبكي من احزانه
الشاعر مشاري الغنيم تمنى أن يلهم الله شعب المملكة الصبر والسلوان على هذا الفقد ..
إلى ذمة الله ياولي العهد سلطان
تموت وفعولك بين كل البشر حيّه
عسى الله يلهم شعبك الصبر والسلوان
ودمع الكويت يطيح لاجل السعوديه
وبقلب ينبض حبا وولاء كتب الشاعر والإعلامي زايد الرويس قائلا..
تصبّر يا أبو متعب على فقدك لسلطان
أخوك وسندك اللي يعينك بوقفاته
عسى الله يجبر قلب نايف وألم سلمان
ويغفر لــ أبو خالد .. ويهديه جناته
الشاعر فيصل الشلاحي بكى شعرا عبر أبياته ..
ياصباح اسوء خبر مامر بالعمر وسنينه
راح أبو خالد ومات الخير ماله أي صوت
رحت ياسلطان والدنيا على موتك حزينه
وأنت ماتبكيك عالم .. أنت تبكيك البيوت
وعن مدى عمق هذا الخبر الحزين كتب الشاعر خالد الذيابي قائلا:
ان كان تبغي الحقيقه جد خطبٍ جلل
وفاة سلطان اخو نوره عساه الرحام
هالصبح ماهو سعيد وكل وقته ملل
الفقد غالي وعالي فوق وصف الكلام
مستذكرا مواقف الراحل النبيلة كتب الشاعر محمد العارضي..
ابو اليتاما ، والأرامل ، وحنّا
ادعوا له ان الله يجازيه جنّه
ساعه فراقه ضاق فينا وطنّا
لين القصايد من رثاها بكنّه
ولأن الراحل في قلوب جميع أبناء شعبه فقد كتبت الشاعرة رزان العتيبي أبياتا تقول فيها..
ياصباح الحزن ياحزن الرياض
البقا بك بعد ( سلطان القلوب )
راح منهو كان منبع للـ بياض
من بعد ( سلطان ) يحفظ هالدروب ؟
الشاعر نايف بندر كتب بدوره يقول ..
مات الكرم ؟ مات الصخا ؟ مات الاحسان ؟
والطيب كن النبض فارق وريده
وش عاد نفقد عقب مامات الانسان
سلطان بن عبد العزيز الفقيده؟
سلطان مات .. بهذه الجملة المؤثرة يبتدئ الشاعر راشد النفيعي أبياته قائلا..
سلطان مات , ارتجفت عيون وضلوع
سلطان مات , وصبحنا يلبس الليل
سلطان مات , وكلنا آآه و دموع
سلطان مات , ولا بقى فـالحكي حيل
ويصدح صوت الحزن في قصيدة عبد الرزاق الذيابي :
مِن يوم وَدّعنا فَتى الجود سلطان
شيخ الرجوله, والكرم, والشهامَه
ما عاد للبسمه على الوَجه عِنوان
اللي لها عَلى جبينه علامَه
ويقول الشاعر عطا الله ممدوح :
يارب تجعل منزله روضه وفيّ
يسعد بقبره وبنعيمك تجازيه
لو مت ياسلطان بقلوبنا حي
الميت اللي مات ذكره وطاريه
ومن قطر يقول الشاعر علي آل جميلة :
الخير وإحساس الأرامل والأيتام
دمعة عزيزن لأجل سلطان طاحت
الطيب والخوه وتحقيق الأحلام
من عقب سلطان المهمات صاحت
الصدق والتقدير والشق من خام
مالومها من فقد سلطان ناحت
الخيل تصهل عقب ماراح ضرغام
شف حزنها من عقب سلطان باحت
العود الأزرق والكرم صاح منضام
شف دلة الرسلان بالحزن فاحت
حتى التواضع سهر الجفن مانام
بروق حزنه عقب سلطان لاحت
طير الهدد صف بجناحه ولاحام
مادام كف الصيد غابت وراحت
قدام ياحزن المقادير قدام
يبقى غلا سلطان في القلب ناحت
مامات فعل الطيب عزام لزام
فرقاك دمعة عز حست وطاحت
موضوع: الشعراء يقدمون أبيات شعرية تعزية في وفاة امير القلوب ( سلطان الخير ) 
